🍀🍀🍀🍀🍀🍀🍀🍀🍀🍀🍀🍀

*சிறுநீரக கற்களை உடனடியாக கரைக்க கூடிய இந்த கீரை பற்றி தெரியுமா.*

பொதுவாக நமது கிட்னி அபாயத்தில் உள்ளது என்பதை உணர்த்தும் சில அறிகுறிகள் நமது உடலில் ஏற்படும். இதை வைத்தே நாம் எந்த அளவிற்கு சிறுநீரக பிரச்சினையால் பாதித்துள்ளோம் என்பதை அறிந்து கொள்ள இயலும்.

– சிறுநீர் கழித்தலில் சிரமம்

– சிறுநீர் நிறம் மாற்றம்

– சிறுநீரக பகுதியில் திடீர் வலி

– சிறுநீரில் அதிக துர்நாற்றத்துடன் வருதல்

*4 முறைகள் என்னென்ன..?*

சிறுநீரக பிரச்சினைக்கு தீர்வு தர 4 விதமான முறைகள் உள்ளது. இவை அனைத்திலும் முக்கிய பங்கு ஒரு கீரைக்கு மட்டும் உண்டு. அதுதான் பார்ஸ்லி. இதை இந்த பதிவில் கூறுவது போல தயாரித்து சாப்பிட்டு வந்தால் 1 மாதத்திற்குள் சிறுநீரக கோளாறுகள் குணமாகி விடும்.
முத்தான மூன்று..!

ஒவ்வொரு உணவின் தன்மையையும் வேறு சில உணவுகளுடன் சேரும்போது இரு மடங்காக கூடும். அதே போன்று தான் இவைகளும். இவை மூன்றையும் சேர்த்து சாப்பிடுவதால் மிக சீக்கிரத்திலே சிறுநீரக கற்கள் கரைந்து விடும்.
இதற்கு தேவையானவை…
வெள்ளரிக்காய் பாதி
எலுமிச்சசை 1
பார்ஸ்லி 1 கப்
செய்முறை :-

முதலில் பார்ஸ்லி இலைகளை 15 நிமிடம் நீரில் கொதிக்க விடவும். அடுத்து இதன் நீரை மட்டும் வடிகட்டி கொள்ளவும். பிறகு வெள்ளரிக்காயை நன்றாக அரைத்து கொள்ளவும்.
இந்த இரண்டு சாற்றையும் ஒன்றாக சேர்த்து கொண்டு, இறுதியாக எலுமிச்சை சாறு கலக்கவும். தினமும் காலையில் இந்த சாற்றை குடித்து வந்தால் சிறுநீரக அழுக்குகள் நீங்கி மற்றும் கற்களும் கரைந்து விடுமாம்.
கற்களை முழுமையாக தடுக்க

கிட்னியில் சேர்ந்துள்ள கற்களை கரைக்கவும், இனி மீண்டும் ஏற்படாதவாறு பார்த்து கொள்ளவும் இந்த குறிப்பு பயன்படும். இதற்கு தேவையானவை…
பார்ஸ்லி ஒரு கைப்பிடி
ஆலிவ் எண்ணெய் அரை ஸ்பூன்
ஆப்பிள் சிடர் வினிகர் 1 ஸ்பூன்

செய்முறை :-

முதலில் பார்ஸ்லியை நன்றாக அரைத்து கொள்ளவும். அடுத்து இவற்றுடன் ஆப்பிள் சிடர் வினிகர் மற்றும் ஆலிவ் எண்ணெய் சேர்த்து மீண்டும் லேசாக அரைத்து கொண்டு தேவைக்கு 1 கப் நீரும் சேர்த்து கொள்ளலாம்.
இந்த கலவையை தினமும் காலையில் குடித்து வந்தால் சிறுநீரக கற்கள் கரைந்து, உங்கள் கவலை முழுவதுமாக நீங்கி விடும்.
வண்ணமயமான ஜுஸ்..!

பலவித ஜுஸ்கள் இங்கு இருந்தாலும் இந்த பலவித நிறங்கள் கொண்ட ஜுசிற்கென்று தனித்துவம் உள்ளதாம்.

இதை தயாரிக்க தேவையானவை…

கேரட் 1
பீட்ரூட் பாதி
வெள்ளரிக்காய் பாதி
பார்ஸ்லி இலை ஒரு கைப்பிடி
எலுமிச்சை சாறு 2 ஸ்பூன்
தயாரிப்பு முறை…

கேரட் மற்றும் பீட்ரூட்டை சேர்த்து முதலில் அரைத்து கொள்ளவும். அடுத்து இவற்றுடன் வெள்ளரிக்காயையும் சேர்த்து மீண்டும் அரைத்து கொண்டு எலுமிச்கை சாற்றை சேர்க்கவும்.
பின் பார்ஸ்லி இலையை நீரில் கொதிக்க வைத்து வடிகட்டி கொண்டு இந்த கலவையுடன் சேர்த்து குடிக்கலாம். இந்த முறை அழுக்குகளை முற்றிலுமாக சுத்தம் செய்து நல்ல பலனை தரும்.

*இந்த டீ தெரியுமா..?*

தினமும் நாம் காலையில் பாலுடன் கலந்து குடிக்கும் டீயை விட இந்த பார்ஸ்லி பல அற்புதத்தை உங்களுக்கு தரும். பார்ஸ்லி இலைகளை 1 கப் அளவிற்கு எடுத்து கொண்டு சிறிது சிறிதாக நறுக்கி, நீரில் கொதிக்க வைக்கவும். அடுத்து இதனை வடிகட்டி தேனுடன் கலந்து குடிக்கவும். இவ்வாறு செய்வதால் குறைந்த காலத்திலே கிறுநீரக கற்கள் கரைந்து விடும்.
இரண்டின் கலவை எப்படி..?

பெரும்பாலும் நமது ஆரோக்கியதை நிர்ணயிக்கும் தன்மை இந்த இரு வகையான உணவு பொருளுக்கும் உண்டு. அதாவது 1 கப் வெது வெதுப்பான நீரில் 2 ஸ்பூன் எலுமிச்சை சாறு மற்றும் 1 ஸ்பூன் கலந்து குடித்தால் சிறுநீரக கோளாறுகள் எதுவும் இல்லாமல் எல்லா வருஷமும் சந்தோஷமாக இருக்கலாமாம்.

இயற்கை மருத்துவம்.
அக்குபஞ்சர் மருத்துவம் கற்றுக்கொள்ளுங்கள்.
🍀🍀🍀🍀🍀🍀🍀🍀🍀🍀🍀🍀

சித்தர்கள் நுரையீரலில் உருவாகும் கோழையை (சளியை)யமன் என்ற பெயரில் அழைத்தார்கள். ஏனெனில் இந்த சளியாகிய கோழைதான் மரணத்திற்கு மிக முக்கிய காரணி.

உடம்பில் சளியானது சேர சேர உடல் இயக்கம் குறைகிறது. இரத்த ஓட்டம் தடைபடுகிறது. எலும்புகள் வலுவிழக்கிறது. நாடி நரம்புகள் எல்லாம் தளர்ந்து போய் நடமாடும் பிணமாக மனிதன் ஆகிவிடுகிறான். எனவே சளித்தொல்லை இல்லாமல் வாழுகிற மனிதன் தான் நிஜமான ஐஸ்வர்யவனாவான் எனலாம்.

சளித்தொல்லை என்றால் மூக்கடைத்து கொண்டு ஒழுகுதல் மட்டுமே என்ற எண்ண வேண்டாம் எப்போதுமே உடலில் கோழையானது தங்கிக் கொண்டே இருக்கும் அது மிகுதியாகும் போது உடலை தொல்லை செய்யும்.

இந்த சளித்தொல்லையை முற்றிலுமாக நீக்குவதற்கு சித்தர்கள் கபசுத்தி என்ற பெயர் கொடுத்து கரிசாலை நெய் என்ற அற்புதமான மருந்தையும் கூறி இருக்கிறார்கள். கரிசாலை நெய்யை பற்றி பேசாத சித்தர்களே இல்லை என்று சொல்லலாம் சித்தர்களின் மருத்துவ முறையில் மணிமகுடமாக இருப்பது கரிசாலை நெய் என்றால் அது மிகையில்லை.

இந்த நெய்யை சற்று முயற்சி செய்தால் யார் வேண்டுமானாலும் செய்யலாம்.

கரிசலாங்கண்ணி கீரையை வேரோடு வாங்கி வந்து நன்றாக கழுவி அரைக்க வேண்டும்.

அரைக்கப்பட்ட கீரை விழுதை உருண்டையாக பிடித்து ஒரு சுத்தமான நெய்யில் போட்டு சிறிது தூள் செய்த மிளகு சேர்த்து  அடுப்பேற்றி மிதமான நெருப்பில் மெழுகு பதமாக காய்ச்சி வடிகட்டி பத்திரபடுத்தி கொள்ள வேண்டும்.

இந்த நெய்யினை சூரியன் உதிக்கும் முன் எழுந்து வலது கை பெருவிரலால் தொட்டு வாயை நன்றாக திறந்து உள்நாக்கில் பின்புறம் உள்ள மேல்நோக்கி அமைந்த துவாரத்தில் தடவி அரைமணிநேரம் காத்திருக்க வேண்டும்.

இந்த நேரத்தில் ஊர்த்துவ நாடி, சுழுமுனை நாடி என்றெல்லாம் சித்தர்களால் சொல்லப்படும் சூட்சம நாடிக்குள் அடங்கி கிடக்கும் கோழை நூல் நூலாக வெளியே வந்து விழும்.கோழையை கழற்றுதல் என்பது இதுவே.

இப்படி நாற்பத்தி எட்டு நாட்கள் தொடர்ந்து செய்தால் உடம்பில் உள்ள தேவையற்ற சளி வெளியேறி, ஆரோக்கியமான நுரையீரல் உடல் முழுவதும் நல்ல பிராணக்காற்றை தரும். இந்த முறையை மூன்று வருடத்திற்கு ஒருமுறை செய்து வரவேண்டும்.

குறிப்பாக யோகப்பயிற்சியில் ஈடுபடுபவர்கள் இச்செய்முறையை கடைபிடித்து கோழையை கழற்றி அதன்பின்பு பயிற்சியில் ஈடுபடுதல் மிகுந்த பலனை அளிக்கும்.

*💫🌐💫🌐💫🌐💫🌐💫🌐💫🌐

ஏன் சீனர்கள் வெறும் தினமும்  வெறும் வயிற்றில், ஒரு துண்டு இஞ்சியைசாப்பிடறாங்கனு தெரியுமா..?*

ஆராய்ச்சி..!

இஞ்சியை பற்றிய ஆயிரக்கணக்கான ஆராய்ச்சிகள் பல வித முடிவுகளை நமக்கு தந்துள்ளது. அதுவும் தினமும் காலையில் ஒரு துண்டு இஞ்சியை சாப்பிட்டு வந்தால் உடலில் அற்புதங்கள் ஏராளமாக நடக்கும்.

அதில் முதல் பயன், நம் எதிர்ப்பு சக்தி மண்டலத்தை அதிக ஆற்றல் மிக்கதாக மாற்றுவதே. எனவே, உங்களை எந்தவித நோய்களும் எளிதில் அண்ட முடியாது.

*மூளையின் திறனுக்கு*

உங்களின் மூளை எப்போதும் படு ஜோராக வேலை செய்ய வேண்டுமென்றால், அதற்கு 1 துண்டு இஞ்சியே போதுமாம்.

இது மூளையின் நரம்புகளை ஆரோக்கியமாக்கி, சுறுசுறுப்பாக வேலை செய்ய வைக்கும். மேலும், எவ்வளவு வயதானாலும் உங்களின் ஞாபக திறன் அப்படியே இருக்குமாம்.

*புற்றுநோய் செல்கள்*

இஞ்சி மற்றும் புற்றுநோய் பற்றிய ஆராய்ச்சியில் ஒரு அபூர்வ தகவல் வெளி வந்துள்ளது. அதாவது, இஞ்சியை தினமும் காலையில் 1 துண்டு சாப்பிட்டு வந்தால் புற்றுநோய் செல்களின் வளர்ச்சியை இது முழுவதுமாக தடுத்து விடுமாம்.

*ரத்த ஓட்டத்திற்கு*

தினமும் காலையில் 1 துண்டு இஞ்சியோடு உங்களின் நாளை தொடங்கினால் உடல் முழுவதும் சமமான அளவில் ரத்த ஓட்டம் இருக்கும்.

மேலும், ஆண்களின் உறுப்புகளுக்கு சீரான ரத்த ஓட்டத்தை தந்து தாம்பத்தியத்தில் சிறப்பாக செயல்பட உதவுகிறது.

*உடலுறவில் எப்படி..?*

தினமும் 1 துண்டு இஞ்சியை காலையில் சாப்பிட்டு வந்தால் ஆண்களுக்கும் பெண்களுக்கும் அதிக நன்மையை ஏற்படுத்தும்.

குறிப்பாக இருவரின் தாம்பத்திய வாழ்வில் அதிக இன்பத்தை அடைய இது உதவும். மேலும், உறுப்புகளையும் பாதிப்புகள் இன்றி வைத்து கொள்ளும்.

*கொலஸ்ரால்*

நமது உடலில் சேர்ந்துள்ள நச்சு தன்மை மிக்க ஒன்று தான் இந்த கெட்ட கொலஸ்ட்ரால். இவற்றை வெளியேற்ற கூடிய தன்மை இஞ்சியிற்கு உள்ளது. மேலும், வயிறு காரணமே இல்லாமல் உப்பி இருந்தால், அதையும் இது குறைத்து விடும்.

*மாதவிடாய் வலிகளுக்கு*

பெண்களின் வாழ்வில் மிக மோசமான தாக்கத்தை ஏற்படுத்த கூடியது இந்த மாதவிடாய் வலி. தினமும் 1 துண்டு இஞ்சியை பெண்கள் சாப்பிட்டு வந்தால் மாதவிடாய் வலியில் இருந்து மிக சுலபமாக தப்பித்து கொள்ளலாம்.

*சர்க்கரை நோயிற்கு*

இந்த இஞ்சி பழக்கம் நமது உடலுக்கு அதிக நன்மைகளை தரும். அந்த வகையில் ரத்தத்தில் உள்ள சர்க்கரையின் அளவையும் இது குறைத்து விடும். அத்துடன் இதய நோய்கள் ஏற்படும் வாய்ப்பை இஞ்சி குறைக்குமாம்.

*தசைகளுக்கு*

ஒரு சின்ன வேலை செய்தாலும் உங்களின் தசை அதிக சோர்வு அடைகிறதா..? இந்த பிரச்சினைக்கு தீர்வை தர கூடிய தன்மை இஞ்சியிற்கு உள்ளது. தினமும் இஞ்சியை 1 துண்டு சாப்பிட்டு வந்தால் உங்களின் தசை அழற்சி, சோர்வு, தசை வலி போன்றவை நீங்கி ஆற்றலுடன் இருக்கலாம்.

*உடல் எடை*

இஞ்சியை தினமும் சாப்பிட்டு வருவதால் உடல் எடை கிடுகிடுவென குறைந்து விடும். குறிப்பாக 43 கலோரிகளை நமது உடலில் இருந்து கரைக்கும் தன்மை இதற்கு உள்ளதாம். உங்கள் உடலை சிக்கென்று வைப்பதற்கு இஞ்சி சிறந்த தீர்வு.

*வாயு தொல்லை*

மலச்சிக்கல், வாயு தொல்லை உள்ளவர்களுக்கும் இந்த இஞ்சி வைத்தியம் தீர்வை தருகிறதாம். எதை சாப்பிட்டாலும் அஜீரணமாகவே இருப்பவர்களுக்கும் இது நல்ல பலனை தரும். அதற்கு இஞ்சியை வெறும் வயிற்றில் சாப்பிட்டாலே போதும்.

*மூட்டு வலி*

இப்போதெல்லாம் குறைந்த வயதில் இருப்பவர்களில் பலருக்கு மூட்டு வலி ஏற்படுகிறது. மூட்டு பிரச்சினை இல்லாமல் இருக்க இஞ்சி உங்களுக்கு உற்ற நண்பனாக உதவும். மேலும், மூட்டில் ஏற்பட கூடிய வலியையும் இது குறைக்கும்.

எனவே, மேற்சொன்ன காரணங்களினால் தான் சீனர்கள் தினமும் இஞ்சியை சாப்பிட்டு வருகின்றனர்...

JJ Acupuncture council & பயிற்சி மையம்
இடைகால்

💫🌐💫🌐💫🌐💫🌐💫🌐💫🌐

கண்ணாடி அணிபவர்கள் கண்டிப்பாக தெரிந்து கொள்ள வேண்டிய பதிவு... 🌷🌷🌷🌷🌷🌷🌷

கண்ணாடி அணிபவர்கள் கண்டிப்பாக தெரிந்து கொள்ள வேண்டிய பதிவு...
🌷🌷🌷🌷🌷🌷🌷🌷🌷🌷🌷🌷🌷🌷

கண்ணில் வரும் கிட்டப்பார்வை, தூரப்பார்வை,
என்பது கண் சம்பந்தப்பட்ட நோயே கிடையாது.
நம் கண்ணாடி அணிகிறோம்.

இந்தக் கண்ணாடியினுடைய பவர் நாள் செல்ல நாள் செல்ல அதிகரிக்கிறதா?அல்லது குறைகிறதா?கண்டிப்பாக அதிகரிக்கிறது, இதிலிருந்து என்ன புரிகிறது, கண்ணாடியின் பவர் அதிகமாகிறது என்றால் கண்ணினுடைய பவர் குறைகிறது என்று அர்த்தம்.

பாதி கெட்டுப்போன கண்ணை முழுவதுமாகக் கொடுப்பதற்குக் கண்ணாடி அணிய வேண்டுமா?
இது என்ன மருத்துவம்?

கண்ணில் நோய் வந்தால் குணப்படுத்துவதற்கு வைத்தியர் தேவையா?நோயை அதிகப்படுத்து
வதற்கு வைத்தியர் தேவையா?

கிட்டப்பார்வை, தூரப்பார்வை சரி செய்ய நமது உடலுக்கே தெரியும் அதற்குத் தேவையான சில பொருள்கள் இரத்தத்தில் கெட்டுப் போய் உள்ளன, இது முதல் காரணம்.

இரண்டாவது கண் சம்பந்தப்பட்ட நோய்களைக் குணப்படுத்தத் தேவையான சில பொருள்கள் இரத்தத்தில் இல்லை.

மூன்று இரத்தத்தின் அளவு குறைவாக உள்ளது.
நான்கு கண் கெட்டுப்போய் விட்டது என்று, நம் மனது கெட்டுப்போய் விட்டது.

ஐந்து நம் உடலிலுள்ள கண்ணைக் குணப்படுத்தும் அறிவு கெட்டுப் போய்விட்டது.

கண்ணில் வரும் கிட்டப்பார்வை, தூரப்பார்வை, குளுகோமோ, புரை மற்றும் பல நோய்களுக்கான கண்ணில் கிடையாது.இரத்தத்தில் தான் நோய் எந்த மருந்தும், மாத்திரையும், ஆப்ரேஷனும் செய்யாமல் கண்ணாடி அணியாமல் கண்ணில் வரும் நோய்களைக் குணப்படுத்த முடியும்.

எனவே நாம் புரிந்து கொள்ள அதிலும் மேலே சொல்லப்பட்ட ஐந்தும் தான் காரணம்.

இந்த ஐந்தையும் சரிப்படுத்துவதன் மூலமாக நமது நோய்களை நாமே குணப்படுத்திக் கொள்ளலாம்.

#கண்_பார்வை_குறைபாடு_நீங்க...

1-முருங்கைப் பூவுடன் பசும்பாலை சேர்த்து நன்றாக காய்ச்சி காலை மாலை என்று இரண்டு வேளையும் சாப்பிட்டு வந்தால் கண்ணில் ஈரப்பசை அதிகமாகும்;

கண் பார்வை குறைபாடு நீங்கும்.

2-கண்ணில் வெள்ளெழுத்து நோய் உள்ளவர்கள் முருங்கைப் பூ பொடியுடன் தேன்கலந்து அருந்தி வந்தால் வெள்ளெழுத்து மாறும்.
கண்ணில் உருவாகும் வெண்படலமும் மாறும்.

3-முருங்கை பூவை பாலில் வேகவைத்து – பிறகு அந்த பாலை நன்றாக வடிகட்டி சாப்பிட்டு வந்தால் கண்கள் குளிர்ச்சி அடையும்.
4-இரவு உணவுக்குப் பின் கை, வாய் இவைகளை கழுவிய பின் ஒவ்வொரு கண்ணிலும் மூன்று மூன்று துளிகள் சுத்தமான நீர்விட்டு இமைகளை மென்மையாக தேய்த்து சந்திர தரிசனம் (நிலவைப் பார்த்தல்) செய்தல் மிகவும் நல்லது.

5-வாரம் இருமுறை தலைக்கு எண்ணெய் தேய்த்து குளிப்பது நல்லது.இதனால் கண் நரம்புகள் சூடு குறைந்து பார்வையை தெளிவுபெறச் செய்யும்.

6-முதுமைக் காலத்தில் கண்டிப்பாகதலைப்பாகை, செருப்பு அணிந்து நடத்தல் வேண்டும்.

7-இரவு படுக்கைக்குச் செல்லும் முன் உள்ளங்கால்களில் பசுநெய்யை நன்றாக தேய்த்து, அரிசித் தவிட்டை நன்றாக அதன்மேல் தடவி பின்பு பாதங்களை பருத்தியினாலான துணி வைத்து கட்டிவிடவும்.விடியற்காலையில் எழுந்தவுடன் கட்டை அவிழ்த்து இரு பாதங்களையும் குளிர்ந்த நீரால் கழுவவேண்டும. இது கிராமங்களில் முன்பு செய்து வந்த வீட்டு வைத்தியம்,

மதிய உணவில் பண்ணைக்கீரை, சிறுகீரை, பொன்னாங்கண்ணி கீரை, காரட் சேர்த்துக் கொள்ள வேண்டும்.இரவில் பால் சாதம் சாப்பிடுவது நல்லது.இரவு உணவுக்குப்பின், பால், பழம் சாப்பிடுவது நல்லது.ஒருவேளை உணவில் நெய் சேர்த்துக் கொள்ளலாம்.

நான்கு மாதத்திற்கு ஒருமுறை பேதி மருந்து ,
மாதம் ஒருமுறை நசிய மருந்து பயன்படுத்தினால் கண் சம்பந்தப்பட்ட நோய்கள் அகலும்.

பித்தத்தை அதிகரிக்கும் உணவுகளை தவிர்க்கவும்.
மலச்சிக்கல் இல்லாமல் பார்த்துக்கொள்ள வேண்டும்.

உச்சி வெயிலில் அலையக் கூடாது.
முதுமையில் ஏற்படும் பார்வைக் குறைபாட்டை வெள்ளெழுத்து என்று அழைக்கின்றனர்.

இது குணமாக:

#முருங்கை_விதை – 100 கிராம்
#மிளகு – 100 கிராம் இரண்டையும் நன்றாக கலுவத்திலிட்டு மெழுகு போல் அரைத்து ஒரு வெங்கலத் தாம்பளத்தினுள் தடவி வெய்யிலில் வைத்தால் தாம்பளம் சூடேறி எண்ணெய்கசியும்.
அதனை வடிகட்டி பத்திரப்படுத்தவும்.
இந்த எண்ணெயில் 1 சொட்டு எண்ணெய் கண்ணில் விட வெள்ளெழுத்து பாதிப்பு குணமாகும்.

பொதுவாக கண்களில் வரும் நோய்களில், வயதானவர்களுக்கு காணப்படுவது கண்புரை.

இதை ஆங்கிலத்தில், “#காட்டிராக்ட்” என்பர்.

கண்களில் உள்ள லென்ஸ், ஒளி அனுப்பும் தன்மையை இழக்கிறது. இதனால், கண்பார்வை குறைகிறது. பிறந்தது முதல், கண் லென்ஸ் ஒளிக்கதிர்களை விழித்திரைக்கு அனுப்பி, கண் பார்வை தருகிறது. கண்புரை ஏற்பட்டபின் இது மாறுபடுவதால், பார்வை குறைவு ஏற்படுகிறது.

கண் புரை நோய், 40 வயது முதல்துவங்கலாம். முதலில், தூரப்பார்வை குன்றுதல், வாகனங்கள் ஓட்டுவதில் சிரமம் மற்றும் பார்வை தன்மை குறைபாடு ஆகியவை உண்டாகும்.

கண்ணாடி நம்பர் அடிக்கடி மாறக்கூடும்.
இவ்வாறு ஏதேனும் பிரச்னை இருந்தால், கண் மருத்துவரிடம், கண் புரை நோய் இருக்கிறதா என்று பரிசோதனை செய்து கொள்ள வேண்டும்.

கண் புரையை, அறுவை சிகிச்சை மூலம் சரி செய்ய முடியும்.

கண் பார்வை குறைபாடு சரி செய்யலாம்.

வீட்டில் எல்லோரும் செய்யக்கூடிய ஓன்று.

நாம் நம் வீட்டு அறையில் தினமும் அகழ்விளக்கு ஏற்ற வேண்டும்.அந்த ஒளியை தினமும் 15 நிமிடம் பார்த்து வந்தால் பல நன்மைகளை அடையலாம்.

அந்த ஒளியில் இருந்து வரும் ஒளியை கண் அசைக்காமல் பார்க்க வேண்டும்.அப்படி பார்க்கும் போது, நமது மனமும் அடங்கும், கண்களுக்கும் மிகவும் நல்லது.

கிட்டப்பார்வை மற்றும் தூரப்பார்வை, கண் எரிச்சல் போன்ற பல நோய்கள் சரியாகும்.

எவ்வளவு மனம் பாரமாக இருந்தாலும் சரி குறைந்துவிடும்.பல பிரச்சனைகளுக்கு பதில் கிடைக்கும் என்பது மிகப்பெரிய உண்மை யாகும்.நமக்கே தெரியாமல் அதில் இருந்து நிறைய சக்திகள் நமக்கு கிடைக்கும்.

அந்த சக்தி என்ன மாற்றத்தை தரும்...

1.மனக் கவலை தூள் படும்
2.முடிவு எடுக்கும் திறன் ஏற்படும்
3.கண்கள் புத்துணர்ச்சி பெறும்
4.நாம் புதிய தெம்புடன் காணப்படுவோம்
5.ஆசைகள் நம்மை அடக்குவது போய், நாம் ஆசைகளை அடக்கிவிடுவோம்
6.ஒரு புதிய மனிதராய் காணப்படுவோம்
7.ஒற்றைத்தலைவலி சரியாகும்
எனவே எல்லோரும் இதை தினமும் குறைந்தது 15 நிமிடம் அதற்கு மேலும் செய்யலாம்.
தொடர்ந்து செய்து வந்தால் பலன் அடைவது நிச்சயம்.

*வயிற்றை சுத்தம் செய்வது எப்படி?*

ஸ்ரீ கோரக்கர் சித்தர் எழுதிய "ரவிமேகலை" நூலில் இருந்து...

புறந்தூய்மை நீரா னமையு மகந்தூய்மை
வாய்மையாற் காணப் படும்..

என்ற குறள் உடலின் தூய்மை மற்றும் மனதின் தூய்மை பற்றி வலியுறுத்துகிறது.

இந்த அகத் தூய்மை மற்றும் புறத்தூய்மை தாண்டிய மூன்றாவது ஒரு தூய்மை குறித்து சித்தர் பெருமக்கள் பேசுகின்றனர்.

அதுவும் அகத் தூய்மைதான்.

நம் உடலின் உள்ளுறுப்புகளை பற்றியது அது.

பிறந்த நிமிடம் முதல் இறுதி மூச்சுவரை ஓய்வறியாமல் உழைத்துக் கொண்டிருக்கும் உள்ளுறுப்புகளின் தூய்மை மற்றும் ஓய்வினை சித்தர் பெருமக்கள் உணர்ந்திருந்தனர்.

அதன் பொருட்டே சீரான இடைவெளிகளில் உபவாசம் எனும் உண்ணா நோன்பினையும், உள்ளுறுப்புகளை சுத்தி செய்யும் வகைகளையும் வரையறுத்துக் கூறியிருக்கின்றனர்.

அந்த வகையில் இன்று வயிற்றினை சுத்தம் செய்யும் முறை பற்றி பார்ப்போம்.

நம் உடலிற்குத் தேவையான சத்துகள் நாம் உண்ணும் உணவில் இருந்தே பெறுகிறோம்.

உணவில் இருந்து சத்துக்களை உடலுக்கு பிரித்தளிக்கும் வேலையை செய்வது நமது வயிறு.

இதனை தூய்மையாய் வைத்திருந்தால் உடல் ஆரோக்கியத்தை பேண முடியும் என்கின்றர் சித்தர் பெருமக்கள்.

எப்படி சுத்தமாய் வைத்திருப்பது?

எளிய விதிகள்தான், யாரும் கடைபிடிக்கலாம்.

ஒரு நாளிற்கு இரண்டு முறை மலம் கழிக்க வேண்டும்.

வருடத்திற்கு இரு முறை பேதி மருந்து உட்கொள்ள வேண்டும்.

அதென்ன பேதி மருந்து?

இந்த பேதி மருந்தைப் பற்றி கோரக்கர் தனது "ரவிமேகலை" நூலில் "பேதிகல்பம்" என்ற பெயரில் அருளியிருக்கிறார்.

"சித்தமுடன் குமரிமடல் பெரிதா யைந்து
சீவிய தன்னமோர் முடாவி லிட்டு
வித்தகமாய்க் கடுக்காய்த்தூள் பலமுந் தாக்கிப்
பிசைந்திடவே செயநீராய் நீர்த்துப் போகும்
சுத்தமுடன் வடிகட்டித் தேசிச் சாற்றுத்
துளிபத்து இட்டுவண்ணப் பேதி யாகிப்
பித்தமுடன் வாத ஐயபேதம் நீங்கும்
பிசகாமல் முக்காலை யருந்தல் நன்றே."

- ரவிமேகலை.

சோற்றுக் கற்றாழை மடல் களில் பெரிதாக உள்ளதாகப் பார்த்து ஐந்து மடல்களைக் கொண்டுவந்து, அவற்றை சீவி அதில் உள்ள சோற்றை எடுத்து ஒரு பாத்திரத்தில் போட்டு அதனுடன் கடுக்காய்த்தூள் ஒரு பலம் போட்டுப் பிசைந்தால் அது நீர்த்துப் போய் விடுமாம்.

பின்னர் அதனை வடிகட்டி எடுத்து, அதனுடன் எலுமிச்சம் பழச்சாறு பத்துத் துளி விட்டு கலந்து மூன்று நாட்கள் காலை வேளையில் தொடர்ந்து அருந்த வேண்டுமாம்.

அப்படி அருந்தினால் வயிறு கழியுமாம். அத்துடன் வாதம், பித்தம், ஐயம் ஆகிய மூன்று குற்றங்களும் நீங்கும் என்கிறார்.

இதன் மூலம் வயிறு சுத்தமாகி, அதன் செயல்பாடு மேம்படும் என்கிறார்.

நன்றி - சித்தர்கள் இராச்சியம்..

*ஆரோக்ய வாழ்வுக்கு பாரம்பரிய மருத்துவ முறை அவசியம் என்பதை அனைவருக்கும் பகிர்ந்து ஆரோக்ய பாரதத்தை உருவாக்குவோம்.....!*
🌹🌹🌹🌹